بدل ما حضرتك قاعد مستكنيص على شلتتك وبتحسب الدولار وصل كام، وأسعار الفاكهة والخضار زادت قد إيه.. حاول تحسب عدد الضباط والجنود اللى استشهدوا عشان حضرتك تقعد مستكنيص على شلتتك وتحسب الدولار وصل كام، وأسعار الفاكهة والخضار زادت قد إيه!.

ولّا الشهيد ده ما يفرقش مع حضرتك، لأنه مش ابنك أو أخوك أو ابن عمك!.

ولّا حضرتك ما بتعرفش «تحسب» أو تمشى فى جنازة شهيد إلا لو بطن حضرتك مليانة رز ولحمة!.

أقول لك.. إحنا نبعت حضرتك تتصور سيلفى مع جروب جثث فى حلب أو الموصل أو بنغازى.. يمكن تعقل.