ذهبت إلى محطة بنزين فى شارع الميرغنى، فاصطادنى شاب من عمال المحطة يدعى «ضاحى» من قنا.

سألنى: حضرتك فلان بتاع «الوطن»؟.

قلت: أيوه.

قال: بطلت تكتب «كرباج» ليه؟.

قلت: استراحة محارب.

قال: انت حببتنى فى السيسى.

قلت: ودلوقتى؟.

قال: بحبه.. بس بكح تراب.

قلت: اعمل ثورة.

قال: هى ناقصة.. أنا عايز أسيب البلد.

قلت: قفلت دومينو.

قال: والحل؟.

قلت: استحمل.. أو ارجع الصعيد.

قال: ارجع انت اكتب.. عايزين نفهم.

قلت: أنا نفسى مش فاهم.

قال: الله يطمّنك.. عموماً أنا بتاع النفخ لو عايز تزود كاوتش.

قلت: هرجع «أنفخ».. العجلة ريّحت والعربية بطيئة والحِمل تقيل.