< منقولة عن واحدة صاحبتى قوى عايشة فى اليونان وكلمتنى على الماسنجر وقالتلى لما كنت فى مصر وقاعدة على الكافيه كل الترابيزات مليانة ناس وحوالى 6 سموزى بطيخ الواحد بـ35 جنيهاً وحوالى 8 عصير ليمون الواحد ب28 جنيهاً ولاتيهات وكابتشينو الواحد بـ32 جنيهًا وكانزات بيبسى الواحدة بـ20 جنيهًا.
< وشيشات بالعبط على كل لون الواحدة لا تقل عن 35 جنيهًا والكافيهات مليانة والناس بتدفع الشيك والبقشيش والحياة زبادى فى الخلاط.
< الواحد يدفع 150 جنيهًا فى قاعدة فى الكافيه لكن البلد تطلب منك حاجة لا تدفع وتطنش ويا ريت كدة وبس نقد وتحليلات وإشاعات خايبة وغضب لزيادة الأسعار والبنزين.
< كلنا بنبلبط فى الساحل الشمالى والسخنة وشرم والجونة والغردقة والعيدا كل الحجز من نصف رمضان.
< وأنتم وولادكم كل يوم مش أقل من 15 كانز بيبسي من الماركت بـ5 جنيه ثمن لتر البنزين وقاعدين تولولوا بأن البنزين بقى بسعر الكانز اللى بتفرقعوا منه كل يوم بلا عدد وبلا حساب.
< لتر البنزين اللى لسة فى الدعم والحكومة بتدفع لينا فيه ثمن ما إحنا بنتفشخر رايحين جايين من غير لزمة ولا فايدة.
< المشكلة فينا ودى عينة من الشعب المتريش بالحلال أو الحرام وبالفساد ولا تفرق وهم شعب وفئة نمرودة ونساية وجاهلة وهدفهم فقط المتعة والبذخ دون النظر الى الوطن ومستقبل الوطن ويعارضوا من منطلق خوفهم على نهاية الفساد فتنتهى مصالحهم.
< السوريين قاعدين فى مخيمات مش لاقيين حتي المياه من مياه الشرب النظيفة ولا يمكن يسبوا أو يشككوا فى رئيسهم.
< دى فئة من الشعب تشتكى وتدعى الإشاعات وترويجها خوفاً على مصالحهم وفسادهم وهم مستوردون وتجار مستغلون ومرتشون ومعاونو نخبة الفساد وموظفون فاسدون فى البنوك والجمارك والضرائب والأحياء وكل مكان.
< يتمتعون برغد العيش على حساب الشعب الغلبان الصامت الذي يحمد ربه على فقرة ويتصرف بالشحاتة أو السرقة أو العمل المضاعف أو البحث فى صناديق الزبالة المهم يأكل أى حاجة وينام ويخلف عيال يرميها فى الشارع انتقاماً من النخبة والمجتمع، التعداد يزداد سنوياً فى السنة 2.6 مليون مولود وهذه المتعة الوحيدة فى حياته لأنها بدون دفع فاتورة.
< يجب على الحكومة أن ترفع نهائياً الدعم عن بنزين 80، 92، 95 وتدعم السولار والغاز للمنازل واللى مش قادر يصرف على سيارته يبيعها ويشترى عجلة وإخوانا النخبة ورجال الفساد لا تفرق معهم زيادة الأسعار حتى لو أصبح لتر البنزين بـ30 جنيهًا.
«وللحديث بقية»
المنسق العام لحزب الوفد
رئيس لجنة الثقافة والفنون