ــ آلو..شريف بيه إسماعيل رئيس الوزرا؟.
= ايوه.. مين معايا؟
ـــ أنا متحدث باسم وزارة التموين يا فندم.
= خير؟ في ايه؟
ـــ يا فندم درجة قلق الناس ارتفعت بشكل مخيف من ارتفاع الأسعار الجنوني.
= وايه الجديد في ده؟ما يقلقوا!.
ـــ يا فندم المشكلة إن الأيام بتجري وداخلين على عيد الأضحى، وممكن رفع الأسعار يرفع القلق المرة دي، ويحصل الانفجار قبل العيد.
= طب أنت شايف ايه؟ قول اقتراحك.
ـــ يا فندم بعد دراسة الموقف بدقة توصلنا إلى اقتراح بإلغاء قرارات ارتفاع الأسعار فورا.
= مظبوط.. نلغي.
ـــ بجد نلغي قرارات ارتفاع الأسعار يا فندم؟
= نلغي العيد يا غبي.