لو عايز تبقي ناشط سياسي فالوصفة سهلة خالص.. أول حاجة تنزل العتبة وتشتريلك من هناك كوفية فلسطيني وشنطة ضهر سودة وجربانة، وربّي شعرك واربطه بأستك والبس في إيدك حظاظة عليها علم مصر، واتصور وانت فاشخ بقك ورافع صوباعين ونزّل صورتك عالفيس وتويتر، وروح قهاوي وسط البلد واقعد هرتل في السياسة وبالذات اليومين دول حول الانتخابات الرئاسية القادمة وضرورة منع السيسي من الترشح، وماتنساش تستخدم مصطلحات مهمة قوي زي »ماسر»‬ و»الاختفاء القسري» و»العبث» و»‬الفشل» وانزل لك كام وقفة احتجاجية علي سلم نقابة الصحفيين علي كام اعتصام واهتف يسقط حكم »‬العثكر» والداخلية »‬بلتطجية».. خلاص؟.. عملت كل ده؟.. اوعي تكون نسيت حاجة.. بس كده يا عم، بقيت ناشط سياسي قد الدنيا.. ألف مبروك.. آه نسيت أقول لك علي حاجة مهمة قوي تمنع الحُما خالص عشان تقدر تحتفظ برائحتك المعفنة لأطول فترة ممكنة.. نقول مبروك كمان مرة يا حيلتها.. جتها نيلة اللي عايزة خلف من عينتك.. بص واسمعني كويس إنت مش مشكلتك لا غلاء ولا غلابة ولا مياه ولا كهربا ولا عشوائيات ولا طرق ولا مشاريع لأن كل المشاكل دي بتتحل فعلا.. إنت مشكلتك مع تلاتة: الجيش والشرطة والسيسي نفسك يقعوا بأي شكل.. لسانك اتفرتك من كتر الحزق وانت بتحاول تنفي أي إنجازات، وإن اللي عمل الحرايق بيحب البلد واللي عايز يعمرها وبيحول العشوائيات لأبراج فاشل وإننا بنضيع يا وديع.. ولما فشلت إنت والسناكيح اللي شبهك خليتوا كل مهمتكم في الحياة من هنا ولحين موعد الانتخابات الرئاسية القادمة نشر الشائعات والأخبار الكاذبة بكل الوسائل الممكنة ونشر الإحباط وافتعال الأزمات غير الحقيقية، ومع ذلك ييجي السيسي يظهر علي التليفزيون ويكلم الناس وبكلمة واحدة منه يمسح لكم كل اللي تعبتوا فيه.. يبقي عندكم حق تكرهوه وتتمنوا يمشي النهارده قبل بكره عشان البلد تخرب وتستفيدوا من خرابها.. لكن انتم فايت عنكم حاجة مهمة ياض يا حمار منك له.. حتي لو السيسي مشي فيه ملايين غيره سيساوية والحبّة الصغيرين اللي مش منهم حنعتبرهم شوية سناكيح شبهكم.. أسرابا من الصراصير الالكترونية لا عمل لها إلا تشغيل ماكينة السخرية من كل إنجاز..
الحقيقة كلما رأيت واحدا منكم تساءلت.. كيف ترعرع في وادينا الطيب هذا القدر من السفلة والأوغاد.. وبعبارة أخري »‬ولاد الحرام دول جم منين»..
اقرأوا التاريخ جيدا
من يقرأ التاريخ لا يدخل اليأس إلي قلبه أبدا وسوف يري الدنيا أياما يداولها الله بين الناس.. الأغنياء يصبحون فقراء والفقراء ينقلبون أغنياء.. وضعفاء الأمس أقوياء اليوم وحكام اليوم مشردو الغد.. والقضاة متهمون والغالبون مغلوبون والفلك دوار والحياة لا تتوقف والحوادث لا تكف عن الجريان والناس يتبادلون الكراسي.. ولا حزن يستمر ولا فرح يدوم.. (من روائع الدكتور مصطفي محمود)..
ما قل ودل:
• نسكت وانت موجود ما نرضي نتكلم..
- عشان أنا معلم..
• لأ.. عشان انت عين أمك وحشة وحتفقر اللي جابونا.