من فرحتي بالصعود لكأس العالم مش عارف أمسك القلم ولا عارف أتحكم فيه وكل ما اجي أكتب كلمة تطلع "محمد" أجي أكتب التانية تطلع "صلاح" أجي أكتب الكلمتين مع بعض يطلعوا "محمد صلاح" ومش معقولة المقالة كلها تبقي "محمد صلاح" لأن "محمد صلاح" مكانش بيلعب لوحده "محمد صلاح" كان بيلعب مع المنتخب ومايصحش القلم يعملها ويكتب بس "محمد صلاح" لكن إحقاقا للحق الكلمة الوحيدة اللي جيت أكتبها ماطلعتش "محمد صلاح" هي "مصر" ألف مبروك لمصر ومنتخب مصر وربنا يحرس ويبارك في كل ولاد مصر وبالذات محمد صلاح.