رئيس هيئة السكة الحديد راجل قلبه بفتة بيضة وحتة سكرة، أعلن أن زيادة أسعار تذاكر القطارات خلال أيام لكننا سنراعي الغلابة، يعني المواطن يقف أمام شباك التذاكر والموظف يسأله: انت غلبان؟ يقول آه .. يقف علي حيله وياخده في حضنه ويقعده علي كرسي ويقطع التذكرة. وإذا المواطن سخسخ من تمنها يجيب له أحلي كوباية مياه ساقعة ويطبطب عليه ويقول له : اصبر معلش.. هي جت علي تذاكر القطارات يعني؟ ويبعت واحد مخصوص يوصله لحد القطار وياخد رقم تليفونه ويطمنوا عليه أول ما يوصل.
يا مثبت العقل والدين يا رب.