بدون أقنعة
علي صفحتي علي الفيسبوك.. وجدت رسالة من مجموعة اسمها »الحملة الشعبية لسيدات مصر في الداخل والخارج»‬ إلي الإعلامي محمود سعد.. نقلتها (بكل الأخطاء اللغوية)، وتقول سطورها: أرجو ان تصلك تلك الرسالة وانت في أفضل حال وبخير صحة وفي كامل لياقتك »‬الانسانيه»... بعد المعجزة الانساااانية إلي حصلت مع سعادتك.. شفت انسانيه سيادتك العاليه علي الشاشه وانت بتعيط وشويه شويه هتلطم عشان دهب حمدي الإخوانية علشان ولدت بنتها وهية متكلبشه في السرير.. طب ايه راي انسانيتك لما الاخوان سقو شهداء قسم كرداسه مية نار وهما بيموتو.. انسانية سعادتك راااحت فين لما الارهاببين الاخوان دخلو علي العياده في قنا وقطعو رجل الظابط وهو حي ومصاب بطلقات نار في جسمه وكان الدكتور بينقذه وقعد الظابط يصررررخ لحدما مات ويقول لهم حرام عليكم دنا مسلم زيكم.!!!!!
انسااااانية معاليك راحت فين لما عذبو ظابط وكان بيقولهم حرام ليكم انا صايم اسقوني دنا بموت وكان بيطلع في الروح وهما بيعذبوه.. ولا اية رئي انسانية جنابك في العسكري الغلبان وهما بيعذبوه وبيمثلو بجثه بعد ما قتلوه في الشارع .. وراحت فين انسانيتك لما ذبحوا امين شرطه حي في الشارع في عين شمس وهوة واقف بيؤدي وظيفتك وجنابك مدفيها في بيتكوا.. وراحت فين ام انسانيتك لما بينشروا صور بنات الضباط وزوجاتهم ويهددوهم بالاغتصاب.. اخبار انسانية جنابك اية وهما بيحرقوا عربيات الضباط ويمكن لسة مخلصوش اقساطها وراحت فين ام اللي جابت انسانيتك وهما بيقتلوا ويغتالوا شباب الضباط كل يوم ويقتلوا رجالة زي الورد.. واخير.. محمود سعد.. ملعون ابو ام انسانيتك قرفنا منكم جتكم القرف.
لقب الأكثر جهلا
يتباري مذيعو ومقدمو البرامج في التنافس علي لقب »‬الأكثر جهلا».. ولأن هناك إفلاسا حقيقيا في البحث عن الخبر أو موضوعات تهم الناس يلجأ كل منهم إلي تقليد الآخر.. ولأن التليفزيون المصري دخل مرحلة التطوير قامت المذيعة رشا نبيل باستضافة أبطال مسلسل »‬سافل جار» مرتين وقدمت دعاية مجانية للمسلسل الهابط وتنافست مع مني الشاذلي علي قناة »‬سي.بي.سي» التي أعدت احتفالية كبيرة بمشاركة طلبة الجامعات والكومبارس الذين يصفقون بالإشارة بهدف تمجيد الضيف وإشباع غروره. جتكم القرف أنتم الاثنين.. ابحثوا عن مشاكل الناس الحقيقية.
ماكينات بنك مصر
اختفاء ماكينات الصراف الآلي لبنك مصر في معظم مناطق القاهرة شيء ملحوظ.. وظاهرة غريبة لا مبرر لها.. البنك لا يحترم عملاءه ولا يسعي للعمل علي راحتهم.. في شارع المنيل علي سبيل المثال لا الحصر لا يوجد سوي ماكينتين فقط.. واحدة منهما معطلة دائما..
حتي الماكينة اليتيمة في سنترال رمسيس ألغوها.