إذا أردت أن تصبح طيشة افعل مثل حزب الوفد، وشوف الناس بيعملوا إيه واعمل زيهم، حتي لو لم تناسبك أفعالهم، وشوفهم بيلبسوا إيه والبس زيهم، حتي لو لبست البنطلون مكان الجاكتة، بس المهم أنك تعترض الأول وبعد كده تعمل زيهم، يعني مثلا لو عملوا ائتلاف دعم الدولة المصرية، اعترض عليه وارفض المشاركة فيه، وبعد كده علي طول اعمل إئتلاف الأمة المصرية، وتفضل كده رايح جاي طول الوقت ومش عارف تقف ولا تقعد، خليك مهزوز علي طول، وبكده يصبح وجودك زي عدمه، ولما تزعق محدش يسمعك، ولما تموت محدش يحس أنك مت، وهكذا يصبح موتك زي حياتك، لأنك طيشة وهتفضل طيشة.