هذه لحظة فارقة.. حيث التقت العزيمة مع الهزيمة وجها لوجه في مشهد نادراً ما يتكرر في حياة الأمم والشعوب.. وفي مصر المحروسة جري.. ويجري ما هو أكثر.. من الأعاجيب
العزيمة: مالك يا هزيمة هانم دبلانه وعدمانه وحالك ما يعلم بيه إلا ربنا؟!
الهزيمة: المثل بيقول اللي ما يشوفش من الغربال يبقي أعمي!!
العزيمة: ده كلام قديم قوي بيفكرني بوابور الجاز؟!
الهزيمة: وايه الجديد يا شملوله.. اننا رجعنا تاني نلف وندور حول نفسنا.. وكأنك يا أبوزيد ما غزيت!
العزيمة: خلينا نبص لقدام يا أختي.. وبلاش نتكلم في الماضي علي رأي سيادة اللوا عمرو دياب!
الهزيمة: يعني اللي فات ننساه!!
العزيمة: النسيان نعمة
الهزيمة: لكن من فات قديمه تاه
العزيمة: يعني ترجع ريما لعادتها السخيفة والقديمة وكأنك يا ثورة لا رحتي ولا جيتي!!
الهزيمة: خلاص خلينا نقعد ونصرخ ونلطم لغاية ما تخرب!
العزيمة: تاني.. ما خربوها ونهبوها.. وسابوها علي المحارة!
الهزيمة: انتي متأكدة ان اسمك عزيمة!
العزيمة: طبعاً
الهزيمة: بأمارة ايه!
العزيمة: محدش هيقدر يرجع عقارب الساعة للخلف!
الهزيمة: حلو امال حضرتك بتهري وتنكتي ليه!
العزيمة: عايزه الدنيا تبقي صح.. زهقنا لف ودوران ونصب واحتيال باسم الشعب والديمقراطية
الهزيمة: تقصدي ايه!
العزيمة: الثورة مستمرة وحياة غلاوتك
الهزيمة: انتي بتهزري.. يعني ايه ثورة مستمرة امال البلد تنهض امتي؟ وتنتج امتي؟ وتتقدم امتي؟
العزيمة: الأيام جايه كتير.. والشاطر اللي يضحك في الآخر
الهزيمة: خلي بالك انتي كده مستفزه وكأنك بتقولي جر شكل!!
العزيمة: أنا اسمي العزيمة وما اعرفش الهزيمة مهما شفت!!
الهزيمة: ده تحدي بقي!
العزيمة: لا سمح الله.. لكن بكره الفاتورة تطلع وكل واحد يدفع حسابه.. و"طره لاند" موجودة!!
كاميرات
¼¼ الصدور العارية في حفلات افتتاح وختام مهرجانات السينما لاتدل علي شياكة بقدر ما تدل علي رغبة في استعراض "اللحم" الذي انتهت صلاحيته بشهادة "السلخانه".. لأن هؤلاء "السواريهات" لا يحضرن ندوة أو مناقشة أو فيلما .. فقط يذهبن حيث توجد الكاميرات والتحرشات!!
سنجل
¼. كان الرجل يجلس في مترو الانفاق يقرأ في جريدة وبجواره شاب يتطلع معه إلي عناوين الصحيفة ولفت نظره ذلك العنوان الذي يقول علي لسان الممثلة المكسيكية سلمي حايك انها تشعر بالأمان في مصر..
هنا قال الشاب وستشعر بالأمان أكثر في بيتنا "أعزب! وعايش "سنجل"!!
جسد
عدة ملايين ترصدها قناة عربية لانتاج مسلسل عن رواية "ذاكرة الجسد" للكاتبة الجزائرية احلام مستغانمي.. وهي قصة جنسية.. ولو قلت لهم اننا سننتج عملا عن أحد الصحابة يقولون مفيش فلوس.. ربنا يديم عليهم نعمة "الجسد" بدون "العقل"!
خمارة!
¼¼ اعلانات هذه القناة الفاضحة تستحق وقفة.. وعلينا نسألهم: هل هي قناة للأفلام؟ أو للدعارة؟.. اذا كانت الاجابة الاولي سنقول لهم اختشوا واذا كانت الاجابة الثانية سنقول لهم اجعلوا قناتكم تبث ارسالها من أي "خمارة"!!
مايوه
وايه يعني المغنية الامريكية الفلتة الفلتانة "بيونسيه" غنت بالمايوه وأعرض عنها الجمهور وفشل حفلها رغم لحمها وايه يعني نحن لنا الريادة وقد سبق وأن غني الصخرة بتاعنا "بالفانلة".