الإنسانية كده شكلها هترجع تاني، وتحجر القلوب وتيبس المشاعر والصلف والغرور شكلهم كده هيلموا شنطهم ويمشوا، والعالم العربي شكله كده فهم ان الحل في عودة القيم والمثل والمبادئ والعادات الطيبة والتقاليد المحترمة والروح الحلوة اللي لما نسيناها نسينا نفسنا وتوهنا وشفطتنا الدوامة وندهتنا النداهة.
في مصر حملة اخلاقنا وفي الامارات وزارة للتسامح ووزارة للسعادة، وفي السعودية محاكمة للدهاسين اللي بيدهسوا الغريب بدل ما يكرموه، شكلها كده هتتصلح بعد ما باظت وريحتها طلعت وزكمت الأنوف، شكلها كده هتروق وتحلي وهنطلع من الوحلة.