انت من غير مصر ولا حاجة. لو مبسوط ومصر زعلانة: ولا حاجة. لو منضبط ومصر متلخبطة: ولا حاجة. لو غنى ومصر فقيرة: ولا حاجة. لو ناجح ومصر فاشلة: ولا حاجة. لو بصحتك ومصر عيانة: ولا حاجة. لو مبدع ومصر جاهلة: ولا حاجة. لو عمود خرسانة ومصر مش سقفك: ولا حاجة. لو لابس حرير ومصر متعريّة: ولا حاجة. لو صوتك حلو وصوتها مخنوق: ولا حاجة. لو لحن حلو ووترها مقطوع.. ولا حاجة. لو انت سيمون فيميه ومصر هياكل فراخ: ولا حاجة. لو انت ميت من الضحك ومصر بتعيط على شهيد.. يبقى أحسن لك تموت: يمكن تبقى حاجة.