كيل الرئيس طفح فضرب فى كل منحى. المؤامرة على الدولة مستمرة: عارفين. وعد بأن البلد «مش هتقع» ولن يتخلى عن طولة باله وحسن خلقه: ماشى. قال للمصريين: «ما تسمعوش كلام حد غيرى».. حد زى مين؟. سد النهضة أمن قومى: «اللى عايز معلومات يجيلى».. وإحنا بنقول لك: اتصرف. العشوائيات؟. «بيعايرونا بيها».. ولا يهمك. الديمقراطية؟: «لسة بدرى قوى عشان تمارسوها».. خلينا نجرب. الدولة والإعلام؟: «لا قنوات اتصال».. غلطتك. الاقتصاد؟: «صبّح على مصر بجنيه».. وأين رجال الأعمال!. وللمواطنين: «مش عايزين تبقوا مسئولين اسكتوا».. ما ينفعش!