ضى القمر بليل

بيلاقى ونَّاسه

والفرح له مُريديه

والحزن له ناسه

والناس صنوف وألوان

على كل لون قاموا

وفيه ناس بتقسى

وناس في الشدة بيواسوا

ولكل حي نصيب

مكتوب في كراسة

ليعيش شيطان ملعون

ومصاحبه وسواسه

ليكون صدوق وأمين

وإيمانه نبراسه

لعب الزمان لعبته

جه ع اللئيم بأسه

طبطب على اللي سرق

واللي انسرق داسه

والظلم له محاسيب

ويا كنز حراسه

يحموا الفساد بفساد

ويقووا أنجاسه

وبييجي ع المحروم

ويعد أنفاسه

عجبى على دا الزمن

شَّربنا من كاسه

ضعنا وضاع الوطن

لما اللئيم ساسه

وطلع علينا القمر

والنجم وناسه

علم دموع الأمل

وكتب فى كراسة

هنا يعيش الوطن

جوه فى قلوب ناسه