ما تتعبوش نفسكم: «25 يناير» هى أول الخيط فى كل مصيبة، من «بديل» حمدين إلى «مناحة» الجاسوس الإيطالى «ريجينى». «25 يناير» هى «مرجعية» كل الذين ينهشون الآن فى لحم البلد. هى اللى مجمعاهم وعاملالهم عزوة: الإخوان والنشطاء و«6 زفت أبريل» وسماسرة حقوق الإنسان والاشتراكيين المعفنين.. حتى البلطجية والمسجلين بيتحاموا فى «25 يناير».

ما تتعبوش نفسكم: احنا لسه فى مرحلة «نزح» بكابورت «25 يناير»، ولسه هننزح!. ليه؟. لأن كل ما بننزح بيتملى تانى!. ليه؟. لأن مواسير الصرف جاية من برة: حكومات وأجهزة مخابرات ومؤسسات تمويل صهيونية. وده معناه إيه؟. معناه أن مصر (وفقاً لنظرية المؤامرة) لازم تبقى-لا مؤاخذة- مرحاض عمومى.