يوماً ما -قد لا يأتى أبداً- سأكتب عملاً درامياً أو روائياً عن «إعلامى ما». كان جحر عشوائى أو ساقية مهجورة فى دلتا مصر أو غيط ذرة فى صعيدها. كان بلوفر بنى على جينز كحلى وجزمة شمواه. كان «128 حمرا» و«أوضة وطرقة وحمام بلدى» فى يمين فيصل. كان أكلة رز وفاصوليا بيضا عند «مجدى وساخة». كان سبوبة فى مكتب جورنال خليجى. كان «إذن نشر» لابتزاز رجل أعمال «وطنى ديمقراطى». كان بيكتب الفُقرا شعارات ويبيع لهم قماش اليفط ويبيع المتظاهرين للأمن. فجأة.. بقى «فضائى». بقى «مرسيدس». بقى فيلا فى أكتوبر وشاليه فى الساحل. بقى «سيمون فيميه 7 نجوم». بقى كرسى على طرابيزة سلطة. بقى سلطة بجناحين: «25» و«30».. والديل «طائر نهضة». بقى «اتحادية و5 أجهزة». وأخيراً: أفيش على كوبرى!.