إذا كانت الدولة هتقبض على أى حد.. بيشرب شاى على القهوة م النهاردة.. طب ما تطلع لنا فتوى .. بتحريم الشاى وتخلص نفسها!!
*****
* ياخى ..بلد غريبة فعلاً والله:
ـ اللى شربوا الشاى "سادة".. دخلوا السجوووون!!
ـ واللى شربوا الشاى بـ"الياسمين".. دخلوا القصوووور!!
****
* كان فيه مطربة زمان بتقول:
ـ ما اشربش الشاى .. أشرب كازوزة أنا!!
* النهاردة حد قالى مفاجأة .. ان جوز الست دى.. كان شغال فى الداخلية!
*******
* النهاردة أى واحدة.. زعلانة من جوزها.. وعايزة تخلص منه.. تجره من إيده..على قهوة غزال!
****
* وقفت السيارة أمام الكمين.. فطلب أمين الشرطة منهم النزول.. وأمر كل واحد يقف أمامه.. ويقول حاحا.. عشان يشم ريحته بقه.. ويشوفه شارب حاجة.. وﻻ لأ!
* نزل الراكب الأول وقال حاحا.. الأمين قال للضابط ده شارب سم هارى ياباشا!
ـ رد الضابط.. خلية يعدي!
* نزل الراكب التانى .. وقال حاحا.. الأمين قال للضابط.. ده بقى شارب شاى يا باشا!
ـ صرخ الضابط.. اقبض عليه فوراً.. هو ده ابن الفرطوس اللى بندور عليه م الصبح!
*****
* إيه الحكاية يا جماعة .. هو أخونا "الدكش" كان "مخصخص" وزارة الداخلية.. وﻻ إيه؟!
* يا سنة سوخة يا ولاد.. ده كان عامل لنفسه.. "وزارة داخلية"... بضباطها وأمنائها وأفرادها .. وبيدفع «مرتباتهم» من جيبه؟!
***
* بعد تعيين ستة أشقاء فى دفعة واحدة.. شوووفت ياخى المصيبة.. اللى إحنا فيها.. الدولة بطلت تخصخص الشركات.. وخصخصت هيئة النيابة الادارية.