كل يوم بحال وكل يوم بكلمة، واللي نقوله النهاردة (ارتفاع تذاكر المترو)، نرجع فيه بكرة (لا ارتفاع في تذاكر المترو)، وبعد بكرة نرجع تاني في اللي رجعنا فيه قبل بكرة (لازم نرفع تذاكر المترو)، والمواطن الغلبان كل يوم يتشال ويتحط ويطلع وينزل وضربات قلبه تزيد وضغطه يعلي وهمومه تكتر ومشاكله تتعافي عليه ودماغه تضرب ويمشي في الشارع يكلم نفسه ويدعي علي اللي كانوا السبب في اللي هو فيه، فيقبضوا عليه لأنه بيدعي علي الدولة.