عزيزى نيوتن..

إليك مكالمتان ليس لهما علاقة بنادى السماجة.. تعليقا على مقالك المنشور فى زاويتك اليومية يوم الجمعة الماضى.

المكالمة الأولى:

مكالمة غلط..

الرقم غير معروف.. والحالة والمزاج غير مستعدين لأى حوار أو موضوع.

بعد طول رنين - يرفض أن يكف ليدعك فى حالتك المستكينة - رددت على هذا المحمول المقتحم لأى لحظة فى حياتك.

نعم..

بلهجة جنوبية ومخارج حروف حادة لكنها ودودة وطيبة..

مين معاى؟

أنت اللى طالب..

أنا محمد عبدالعال.

أهلا وسهلا تحت أمرك.

أنا آسف يبدو أن النمرة غلط.

حصل خير ولا يهمك.

نعتذر عن إزعاجك.

ونأسف لهذا الخطأ غير المقصود.

أبدا.. أبدا لم يحدث شىء.. أهلا بك.

نشكرك على احترامك وسعيد بسماع صوتك.

أنا أسعد.

بجيمه المعطشة وقافه المجيمة وأدبه فى الاعتذار عدت إلى حالتى المستكينة أكثر استكانة وهدوءًا..

لا شىء فى العالم يفوق الكلمة الحلوة الطيبة.. بلسم يخفف من جفاف الدنيا وضوضائها..

المكالمة الثانية:

آلو.. آلو..

نعم، حضرتك عايز مين؟

يا عم يا عم.

نعم مين بيتكلم؟ يظهر النمرة غلط.

غلط.. جرى إيه يا عم عبدالحميد.

أنا مش عبدالحميد، النمرة غلط.

معقول، مش أنت عبدالحميد برعى برضه؟

لا والله النمرة غلط. أنا مش عبدالحميد برعى.

تصدق عندك حق مش ممكن تكون عبدالحميد برعى لأن عبدالحميد برعى قاعد جنبى حاليا..

م.شريف العزاوى