طبعاً حضرتك عارف إننا داخلين على «ثورة 11/11»، المعروفة فى أوساط النشطاء والنحانيح والمرتزقة وعملاء الداخل بـ«ثورة الجياع»!.

ولعلك دُعيت إلى النزول (ما احنا خلاص فضينا.. أصبحنا مدمنى ثورات!)!.

وربما تعتقد -وأنت تشترى سكر أو أرز أو دواء، أو تبحث عن دولارات، أو تدفع مصاريف تعليم أولادك- أن «النزول» سيحل مشاكلك، وسيملأ مطبخك سلعاً رخيصة، والدولار هيبقى بـ«50 قرش» ومن يدرى!.

لعلك تخيلت نفسك وأنت تحمل جركن مولوتوف و«تحدفه» على مدرعة أو منشأة حكومية!.

نصيحتى: انزل.. بس وانت نازل افتكر «25 يناير».

ولما حضرتك تنجز مهمتك وترجع -ده لو رجعت على رجليك- ياريت تدور على بلد تلجأ له، لأن حضرتك دمرت بلدك وخربت بيتك بإيدك، أما الذين حرضوك وأشعلوك ناراً فقد تقاضوا أجورهم وهجوا.. خليك فاكر!!