■ يعد الشاعر المبدع عبد الله حسن من أفضل الشعراء الذين قصوا تجربتهم مع أمهاتهم، تجربة الشباب والتمرد والشعور بالتفرد وعدم الالتفات لمشاعر الأم وخوفها على ابنها واستخفافه بهذا الخوف، بل السخرية منه ومن مشاعر الأم، ثم تجربة الإنجاب وكيف شعر بفضل الأم، ثم التجربة الأخطر والأفظع والأحزن وهى تجربة «فقد الأم فجأة» وأحيانًا دون مقدمات فيستيقظ على أكبر كارثة وأشد فاجعة أنه أصبح وحيدًا دون سند، هذه التجارب الإنسانية العميقة سطرها ذلك الشاعر الأصيل.
■ فقد أفاق فجأة من غفلته مع أمه على قرعات ملك الموت على باب أمه الحبيبة وهو يرجوه أن يتمهل قليلًا حتى يبرها ويعوض ما فاته: فاق لأول مرة يفهم معنى «أم».. يعنى إيه التضحية.. ياخدوا عمرى منى بس آخر أمنية.. يا ملاك الموت تمهل.. لسه أنا فى عنيها عيل.. سيبها بكرة.. سيبها بعده.. سيبها أسبوع.. سيبها شهر.. سيبها عمر.. سيبها لسه.. سيبها أرجوك.. سيبلى فرصة.. نفسى أسمع تانى «يا ابنى».
■ ثم يعبر الشاعر عن حزنه أنه لم يسمع وصايا أمه وهو صغير فينطلق باكيًا حزينًا قائلًا: اللى ما قالتهوش أمى ليا هو اكتر شيء تاعبنى ويتذكر قصته مع أمه: «كنت ليه دايمًا أنانى.. كانت تعاتبنى بحزن.. يا ابنى محتاجة لسنده.. بص شوف الشعر شايب.. أيوة بيتى كان لوكاندة..عشت فيها واكل وشارب.. عمرى ما اهتميت بحاجة.. أمى تفتح أمى تقفل.. أمى تمسح أمى تغسل.. أمى تطبخ أمى تغزل.. أمى تعمل كل حاجة.. أمى حصالة الوجع.. أمى قبل النوم بتدعى.. مش عشانها كان عشانى.. ابتدى إحساس يصحى.. السنين على الوش واضحة.. رعشة الإيد اللى شالت والكلام ممزوج بكحة.. زى شجرة عشان تضلل الغصون لازم تميل.
■ ندم الشاعر على تقصيره فى حق أمه وأدرك أنه لم يفهمها أو يدرك قيمة أوامرها التى ظنها قيودًا تأسرها: شفتها فى طلعت شبابى قيد وخنقة.. لما بتأنبنى أشوح.. كنت أدور وشى «أف».. ماما مش وقتك سبينى.. انتهينا خلاص كبرت.. اتاخدت فى سكة تانية.. زهقت من لعبك معايا.. زهقت من خوفك عليا.. وخوفها لما الليل يليل.. كانت تبص بعين حزينة.. كانت تقولى لسه برده فى عينى عيل.. أمى ما سمعتش منى طول حياتها إلا «عايز».
■ وهكذا ينطلق الشاعر الكبير عبد الله حسن وهو يظهر إحسان الأم وكرمها وجحود الابن وغبائه ليرسم أجمل الصور التى تتكرر دومًا فى حياة الأسر، تحية إلى كل الشعراء الذين مدحوا عطاء الأمومة، وتحية إلى الأمهات فى كل زمان.